दिवाळी स्पेशल : चकली भाजणी

साहित्य :

४ कप जाड़े तांदूळ
२.५ कप चणा डाळ
१.२५  कप उडीद डाळ
३/४ कप साबुदाणा
१/२ कप धणे
१/२ कप जीरे

कृती :

1. तांदूळ, आणि डाळी स्वच्छ धुवाव्या आणि निथळुन घ्याव्यात. तांदूळ धुतल्यावर फुलतात , साधारण ४ कपाचे ५.५ कप पर्यन्त होतील 
2. तांदूळ पूर्ण वाळवू नयेत, थोडेसे ओलसर असतांना भाजून घ्यावे. खूप भाजू नयेत, हलक्या गुलाबी रंगावर काढावेत. 
3. इतर डाळीदेखील वेगवेगळ्या कढयांमध्ये भाजाव्यात, मध्यम भाजाव्यात. 
4. साबुदाणा अगदी मंद आचेवर हलका परतून घ्यावा. 
5. धणे आणि जीरेसुद्धा वेगवेगळे हलके भाजून घ्यावे. 
6. सगळे जिन्नस वेगवेगळया पेपर किंवा ताटलीत काढून गार करावेत. 
7. गार झाल्यावर सगळे एकत्र करावे आणि बारीक दळुन घ्यावेत.