छोले

साहित्य:

१-२ वाटी छोले
३ लवंग
२ १-इंच दालचिनीचे तुकडे
१ तमालपत्र
५-६ मिरी
१ कांदा
२ टोमॅटो
२ हिरव्या मिरच्या
२ tsp आलं-लसूण paste
धणे-जिरे पावडर
लाल तिखट
कोथिंबीर

कृती:
१. छोले कमीतकमी ५-६ तास पाण्यात भिजवून ठेवावेत. रात्रभर पण चालतात. आधी भरपूर पाणी घालून थोडे मीठ टाकून ५-६ शिट्ट्या करून घ्याव्यात. शिजत नसतील तर चिमूटभर सोडा शिजवताना घालावा.
२. गरम तेलावर आल-लसूण paste, उभ्या चिरलेल्या मिरच्या आणि बाकीचा खडा मसाला परतून घ्यावा.
३. कांदा एकदम बारीक चिरून किंवा मिक्सर मध्ये बारीक करून तेलात घालावा.
४. कांदा गुलाबी परतल्यावर मिक्सर मध्ये बारीक केलेला टोमॅटो घालावा आणि चांगला तेल सुटेपर्यंत परतून घ्यावा.
५. टोमॅटो नीट परतल्यावर त्यात थोडी धणे-जिरे पावडर आणि चवीनुसार लाल तिखट घालावे आणि परतून घ्यावे.
६. मसाल्यामध्ये शिजलेले छोले घालावेत. अर्धे छोले थोडे ठेचून घ्यावेत म्हणजे चांगले एकत्र येतात. १-२ उकळ्या आल्या की गॅस बंद करावा. कोथिंबीर घालून serve करावेत.