साबुदाणा खिचड़ी

साहित्य:

२ वाटी साबुदाणा (१ माणसाला १ वाटी)
१/२(अर्धी) वाटी दाण्याचे कूट (अंदाजे १ वाटी साबुदाण्याला १/४th वाटी)
चवीनुसार साखर
चवीनुसार मीठ
अर्धा चमचा जिरे
२-३ बारीक चिरलेल्या हिरव्या मिरच्या
२-३ चमचे तेल/तूप

कृती:

१. साबुदाणा कमीतकमी ३-४ तास आधी पाण्यात भिजवावा. आधी स्वच्छ धुवून घ्यावा. अगदी किंचित जास्त पाणी ठेवावे.
२. फोडणीमध्ये तेल/तूप गरम झाल्यावर जिरे घालावे. जिरे तडतडल्यावर मिरच्या घालून मग त्यावर साबुदाणा घालावा.
३. त्यात मीठ, साखर, कूट घालून नीट एकत्र करावे आणि वाफ काढावी. साबुदाणा चिकट झाला असेल तर झाकण ठेऊ नये. आवडत असेल तर लिंबू, खोबरे, कोथिंबीर घालावी.

टीप:

१. जर बटाटा  घालायचा असेल तर कच्चा बटाटा फोडणी मध्ये परतून घ्यावा आणि नीट शिजल्यावर साबुदाणा घालावा. उकडलेला बटाटा देखील घालू शकतो.
२. आवडत असेल तर लाल तिखट किंवा लाल मिरची देखील फोडणीत घालू शकतो.